غلط فتویٰ منظور نہیں!

           اشرفیہ مبارکپور کے شعبہ افتاء کے موجودہ سرپرست (صدر) مفتی نظام الدین  جو اس سے قبل کئی مرتبہ اہلسنت کے اکابرعلماء اور بزرگوں کے فتوؤں کے خلاف غلط فتویٰ دے کر عوام کے ایک بڑے طبقےکو ناراض کرچکے ہیں۔ سور کے اجزاء والی کورونا ویکسن کے جائز ہونے کا فتویٰ انھیں کے ادارے سے جاری ہوا ہے لیکن  اُن کے نام سے نہیں بلکہ ان کے ایک خاص تربیت یافتہ مولوی مفتی بدر عالم کے نام سےجاری ہوا ہے۔ ہوسکتا ہے انھوں نے یہ سوچا ہو کہ سور کے اجزاء والی ویکسن کے استعمال کو اتنی آسانی سے جائز قرار دینے پر ہنگامہ کھڑا ہوجائے گا اور دوسری بات یہ کہ یہ فتویٰ ملک کے ایک اہم شہر، ممبئی کے بڑے بڑے علماء کے فیصلے کے خلاف ہے جن کے ساتھ وہاں کی سنی تنظیمیں بھی ہیں۔ اسلئے رد عمل کو جھیلنا مشکل ہوجائےگا۔ممکن ہے اسی وجہ سے یہ فتویٰ مفتی بدر عالم کے نام  سےجاری کروایا گیا ہو تاکہ اعتراض ہونے پر بچنے کا راستہ نکل آئے۔ بہر حال مفتی نظام الدین اس فتوے کی ذمہ داری سے بچ نہیں سکتے کیونکہ وہی اشرفیہ  کےصدر مفتی ہیں۔اگر وہ اس فتویٰ کو غلط سمجھتے تو اب تک اُس سے بیزاری کا اعلان کرچکے ہوتے۔

---

Bahar e Shariat Mukammal Ghar Baithe Discount Hadiye Me Hasil Karne Ke Liye Niche Click Karen.